انا هكلمكم عن شكوى مش معظم الزوجات لالالا دى شكوه كل الزوجات واحده تقول جوزى تقيل وكلامه قليل وواحده تقول جوزى دايما مطنشنى ...
انا هكلمكم عن شكوى مش معظم الزوجات
لالالا دى شكوه كل الزوجات
واحده تقول جوزى تقيل وكلامه قليل
وواحده تقول جوزى دايما مطنشنى
وواحده قول جوزى مش رومانسى
وشكاوى كتير من النوع ده وكلها مضمونها واحد
وللاسف ان الشكوى دى بتبقى سبب
لمشاكل كتيره وكبيره جدا
وهى مش مستاهله
ايوه والله ماهى مستاهله خااااالص
لان طبيعه الراجل بيعبر عن حبه بطريقه غير اللى احنا بنعبر بيها يعنى الست طريقتها رومانسيه جدا ورد وشمع وهدايا وكلام جميل وبتلبس وتتزوق وتعمل حركات وحاجات ودا واجبها بس المشكله انها عايزه الراجل يعمل زى ماهى بتعمل بالضبط وهو راجل وله طريقته اللى هى مختلفه تماما عن طريقتنا وهى انه يهتم ببيته ويرجع اخر اليوم لمراته اويجيب كل الطلبات ومايخليش بيته ولا مراته محتاجه لحاجه ويحترم اهلها ويحترم مواعيدها
ويديها حقوقها الزوجيه وحاجات زى كده
لكن لما كل طرف عايز يخلى الطرف الاخر مثله بالضبط من هنا بيحصل الصراع اللى بتنتج عنه المشاكل الكبيره اللى ممكن تصل الى الطلاق لكن لو كل طرف فهم طبيعه الطرف الاخر وحاول التعامل معاها هتتحل كل المشاكل والحل يبداء من عند الزوجه اللى قاعده على فتكات وبتتعلم وتعلم زوجها ازاى يتعامل معاها مش تشتكى وبس لا اقرأى وتعلمى وافهمى طبيعه الرجاله عموما وطبيعه زوجك خصوصا واوجدى طريقه للتعامل مع طباعه طالما زوجك راجل محترم وعلى دين وخلق يبقى يستاهل كل محاولاتك والمحاولات تحتاج لصبر حتى تاتى بالنتائج المرجوه
وعايزه ااقولكم ان من الاهم الاسباب
اللى بتخلى كل واحده شايفه زوجها مش رومانسى
هى انها بتقارن بينه وبين الممثلين فى الافلام
والمسلسلات الرومانسيه وتفكر ان كل الرجاله هما
حسين فهمى ولا مهند الاجوزها يعينى وتقعد تندب
فى حظها وهى مش عارفه ان اللى بيتمثل ده غير
الواقع خالص والمقارنه السويه هى انك تقارنى
زوجك بامثاله من الرجال اللى حولك ولو ان المقارنه
اصلا مش مطلوبه لان كل راجل وله طباع حلوه
وطباع وحشه
اتمنى ان اكون افادتكم
ليست هناك تعليقات:
إرسال تعليق