مهما كانت علاقتك قوية بجوزك أو بخطيبك ومهما كنتم بتحبو بعض ومرتبطين ببعض .. فيه عبارات أو كلمات لو قولتيها هتستفز ه جدا وممكن ينسى كل ال...
مهما كانت علاقتك قوية بجوزك أو بخطيبك ومهما كنتم بتحبو بعض ومرتبطين ببعض ..
فيه عبارات أو كلمات لو قولتيها هتستفز ه جدا وممكن ينسى كل الروابط اللي بينكم ويقطعها كمان .. نبدأ الاستفزاز :
- ولا يهمني :
بتقوليها لما يهددك أو يلوح بموقف تقومي تعملي جدعة وشجاعة وتقوليله ميهمنيش .. يعني إنت وكلامك ولا حاجة !!!!!!!! بيحس بالمهانة وانك بتحتقريه !!!!
- أهلي واهلك :
ودي أكتر حاجة بتشعلل البيت وتكهربه .. ليه بتحب أهلك وبتكره أهلي .. ليه دايما عند قرايبك وأنا مش بروح لأقاريبي .. هما أهلك أحسن من أهلي ؟؟ يعني بتعملي عيلتين واهلين وبتفرقي وبتقارني .. مستفزة أنتي .. صح ؟
- خليك راجل :
ودي كمان مصيبة بتهين الراجل وتحطمه .. هو مش راجل يا وزة ولا إيه ؟؟؟ .. خليك راجل وروحني .. خليك راجل وهات حقي .. خليك راجل وواجه أمك وأخوك .. ولما الأمور تتطور .. خليك راجل وطلقني .. ولما يعملها بقا ؟؟؟ .. اشربي يا وزة !!!!!!!!
- لما تحطي نفسك ف مقارنة :
يا أنا يا أختك .. يا أنا يا أمك .. يا أنا يا الفيس .. يا أنا يا الكمبيوتر .. ليه بس ياوزة ترخصي من قيمتك وتبقي زي الكمبيوتر أو الفيس أو حتى أخته .. انتي ليكي مكان عالي وكبير بس مش واخده بالك .. يعني انتي اللي بترخصي نفسك !!!!!
- لو كان معايا فلوس :
كنت غيرت الأنترية واشتريت ميكرويف ودخلت البنت مدرسة أجنبية .. وكنت وكنت ..... يعني بتحسسيه بالحسرة وقلة الحيلة وإنه مش أد الخلف وفتح بيت .. مش مستفزة بردو ؟؟؟؟؟
ليست هناك تعليقات:
إرسال تعليق