انا بقى مشكلتي ان انا خطبت واحدة وكنت مبسوط معاها اول اسبوع بس بعد كدة لما اتكلمت معاها في مواضيع كتير لقيتها لا بتقرا في اي حاجة ولا بتحب...
انا بقى مشكلتي ان انا خطبت واحدة وكنت مبسوط معاها اول اسبوع بس بعد كدة لما اتكلمت معاها في مواضيع كتير لقيتها لا بتقرا في اي حاجة ولا بتحب تقرا ولا بتحب تتعلم اى حاجة مع انها مدرسه!!
تقولي متكلمنيش الكلام الكبير دة مع انه نقاش في اي موضوع
تقولي عايزة تكلمنى نحكى في اي حاجة وخلاص اقولها لازم تتغيري وتحاولي تشغلي دماغك شوية ونفيد بعض تقولي انا كدة
حسيت ان دماغها فاضية
تقولي كمان انت هادي اوي وانا مبحبش الهدوء دة عايزة نرغي في اي كلام
كمان حسيت فيها انها مادية كدة بتلميحات في كلامها لما بتحكي عن اى حد تقولي كان بيجيبلها ويجيبلها وسابتة الغبيه كمثال
دلوقتي أنا مش عارف هي طيبة وحنينة وجميلة بس مفيش اى توافق فكري مابينها وبتدايق لما بتناقش واكلمها في اي موضوع
اسيبها ولا اكمل معاها
حاسس انها هتنجرح اوي لو سيبتها وده عملي احساس بالذنب رهيب لو فكرت في الموضوع دة
لارسال المشاكل ابعت رساله على البيدج هنـــا
ليست هناك تعليقات:
إرسال تعليق