السلام عليكم وكل سنة وانتم طيبين وعيد سعيد .... مشكلتى انى اتعرفت على بنت بالصدفة كدة بتشتغل فى مكتب سداد اشتراكات نت وفواتير من العيد ا...
السلام عليكم وكل سنة وانتم طيبين وعيد سعيد ....
مشكلتى انى اتعرفت على بنت بالصدفة كدة بتشتغل فى مكتب سداد اشتراكات نت وفواتير من العيد الصغير وبقينا نتكلم على الفيس كتير المهم اتعلقنا ببعض وعرفتها بكل حاجة عنى كانت فى اول علاقتنا مبتبطلش اتصالات بيا ولو عملت اى حاجة زعلتنى بتقعد تعتذرلى كتير المهم انا عندى فى الفيس كل حاجة موضحه
يعنى صفحاتى واشتراكاتى المهم قلبت فى كل حاجة وطلبت منى الغى اشتراكات فى صفحات كدة معجبتهاش فوافقت المهم بعد كده اتقابلنا وخرجنا سوا عشان نعرف بعض اكتر وانا كنت حنين اوى معاها وحست بيا اد ايه متعلق بيها بالصدفه عديت عليها فى يوم فى مكان شغلها مش فاكر كنت زعلان منها ليه لقيتها فتحة صفحة تانية " اكونت تانى " على الفيس باسمها وفاتحه صفحة ولد اتفاجأت انا عندى الكدب والخداع من الكبائر التى قد لا تغتفر قولت ليها اه ده انتى عايشة حياتك حساب تانى انا معرفش عنه حاجة وشوفى بتكلمى مين ومعلقة مين عليه المهم هاجمتها اوى بعديها بيويمن كلمتنى وقالتلى خد الباس بتاعته وشوفه انا مبعملش عليه حاجة وكنت حقولك المهم انا قولت ليها اه بعد يومين بعد مشيلتى اللى عايزة تشيليه لا انتى متلزمنيش وقطعت معاها بتاع اسبوعين تلاته وشيلتها من الفيس من عندى وبطلت اعدى على المكان اللى هى شغالة فيه .. بعديها بفترة حسيت انى اديتها عقاب اشد من جرمها وروحت ليها واعتذرت ليها قعدت تقولى تسيبنى وقت متحب وترجعنى وقت متحب وعملت نفسها هى اللى زعلانه وانا اللى غلطان عشان اهنتها المهم رجعنا نتكلم تانى بس اسلوبها معايا اتغير عادى يعدى يوم يومين منتكلمش سواء نت او موبيل كانت بتطمنى عليها لما ترجع البيت دلوقتى بطلت ومبقاش يهمها ان ابقى زعلان منها او متدايق وانا سعات بيساورنى الشك انها تعرف ناس تانية على الفيس او يمكن ليها اكونتات تانية وانا معرفش خصوصا ان المكتب الىل هى فيه هى بتكون فاتحة النت علطول فيه وبتشتغل فيه تقريبا حوالى 12 ساعه تفتكروا مع معاملتها اللى اتغيرت معايا اكمل معاها واديها فرصة وله اسيبها وابعد عنها :: حاجة تانية بيدايقنى فيها انى مفيش اى حاجة بعملها بتعجبها يعنى نروح مكان حلو ناكل فيه ميعجبهاش االكل كافيه حلو ميعجبهاش المشروب انا وانا بخرج معاها بحاول اسعدها واجيبلها كل حاجة بتطلبها وهى مبتهتمش ايه اللى بيفرحنى او ايه محتاجله منتتظر ردودكم .. وشكرا
ليست هناك تعليقات:
إرسال تعليق