السلام عليكم ورحمة الله وبركاته انا كان متقدملى واحد وحصل قبول الحمد لله وقرينا فاتحة المشكلة هنا انى حاسة انى مش ف اهتماماته خالص يعنى ...
السلام عليكم ورحمة الله وبركاته
انا كان متقدملى واحد وحصل قبول الحمد لله وقرينا فاتحة
المشكلة هنا انى حاسة انى مش ف اهتماماته خالص يعنى ف العيد مجاش غير رابع يوم ومحاولش يتصل اول يوم يعيد علينا وكده
ودلوقتى هو اخد رقمى بس مكنش هو اللى طلبه حصل موقف كده واخده يعنى ومحاولش يتصل بيا او يبعتلى ماسيج احنا قعدنا مع بعض مرة بعد قراية الفاتحة والكلام كان عام ولسا محددناش هننزل نشترى الشبكة والدبل امتى
مش المفروض يكون عاوز يكلمنى ويقرب منى وكده هو طبعه هادى جدا بس انا خايفة لاحسن حتى بعد الخطوبة منتكلمش ومنعرفش حاجة عن بعض برده انا اعرف ان فيه ناس عادى بيقعدو بالايام ميتصلوش وانا خايفة يكون واحد منهم
انا بجد مش فاهماه وبقيت خايفة ارتبط بيه وفى نفس الوقت خايفة ارفض اكون بظلمه واكون فاهماه غلط..... ياريت تقولولى اتصرف ازاى؟
لارسال المشاكل ابعت رساله على البيدج هنـــا
ليست هناك تعليقات:
إرسال تعليق