احكيلكم على مشكلة تخص صاحبتى وهى اختى واقرب انسانة ليا البنت دى أول ما تمت 16 سنة أتجوزت , ما علينا بغض النظر ان دا غلط وطبعا ظهرت توابع...
احكيلكم على مشكلة تخص صاحبتى وهى اختى واقرب انسانة ليا
البنت دى أول ما تمت 16 سنة أتجوزت , ما علينا بغض النظر ان دا غلط وطبعا ظهرت توابعه اللى هقولها دلوقتى
مشاكل كتير من بعد الفرح علطول , لأن الخطوبة مكملتش 3 شهور واتجوزت
عقلهم فين وقتها مش موضوعنا , المهم ان أهل الزوج طلعوا ناس أقل كلمة عليهم زبالة وظلمة أعوذ بالله من الزوج وامه كان بيمنع أهلها انهم يزوروها هما عايشين فى بيت بجنينه وبوابة كبيرة كان بيطرد أهلها أو اى حد ييجى يزورها من عالبوابة , المهم البنت وأهلها بجد والله اتعرضوا لظلم كبيير
وحصلت خلافات على أثرها البنت طلبت انها تروح لبيت أهلها طردوها بس أخدوا منها بنتها وكل حاجة مشوها بالهدوم اللى عليها , مش هعرف أدخل فى تفاصيل القديمة
باباها عمل قاعدة للرجاله اللى فى منطقتنا اللى تصلح فاالمشاكل دى راحوا للزوج البيت , رجعوا قالوا دول ناس صعب التعامل معاهم وأمه هى الراجل وطالما دخلت ست فالموضوع وظالمة بالطريقة دى ف مفيش حل
االمهم حد وصل للزوج ان اهل الزوجة جايبين بلطجية وسيوف وكلام غريب ,, وكل دا والله محصلش , المهم امبارح كنا عندهم لقيناه داخل و كأنه داخل يتخانق , وبيقول لو انتوا هتجيبوا بلطجية انا هجيب بتليفون منى والكلام دا وانا طلقتها خلاص واللى هى جابته فى عفشها تيجى تاخده هما كانوا جايبين مع بعض العفش ودافعين بالنص ومكانش فيه قايمة للأسف
وبيقول انا اللى هربى بنتى ومش هتاخدها هى , ودا اللى عندى وهى عايزة تشوف بنتها نتقابل ييجى اخوها معاها تشوف بنتها وأروح بيها
المهم اهلها فى منتهى السلبية مشوفتش رد فعل لهم مناسب خاالص لناس معاهم الحق , قالوا له بس الشرع والقانون ان البنت من حق الزوجة قالهم اعتبرونى مش مسلم ولعياذ بالله , ودا اللى عندى , انا اسفة انى طولت جامد بس بوضح الامور
أولا طالبة منكم طلبين الأول تدعوا فى يوم مفترج زى النهاردة ان ربنا يفرج كربها ويرجعلها بنتها عاجلا وهى بخير عشان الأم منهارة على بنتها ونفسها تشوفها ,,البنت اتفطمت قبل ما تكمل سنة من ظلمهم ..وتعرفونى هو محكمة الأسرة عشان دى الحل الوحيد عشان ناخد البنت بتاخد تقريبا فترة اد ايه لو محامى هنا يعرف الله يكرمكوا
ادعولها الله يخليكم , وهل فى حل تانى عشان الأم تاخد بنتها وتأمن نفسها من الناس دول وكمان الأب بيقول ان العفش كله من حقها , والمشكلة كمان الأكبر اللى نسيت أقولها فى أول الموضوع انه بيقول طلقها وهو مكتبش كتابه عليها رسمى أساسا متوثق يعنى حاجة زى كدا لأانى مش فاهمة النقطة دى عشان كانت مكملتش 18 سنة , بس هى كملتهم شهر 8 اللى فات ولما طلبوا منه انه يكتب وقت ما كملتهم ماطل معاهم وكان بيأجل , فياريت حد يقولنا ايه موقفها دلوقتى فى وسط كل دا
لارسال المشاكل ابعت رساله على البيدج هنـــا
ليست هناك تعليقات:
إرسال تعليق