السلام عليكم ورحمة الله انا مشكلتى انى مخطوبة من فترة بسيطة لانسان بيحبنى جدا من زمان وحنين معايا بس المشكله ان اهله مش حابينا ومش مرحبين ...
السلام عليكم ورحمة الله انا مشكلتى انى مخطوبة من فترة بسيطة لانسان بيحبنى جدا من زمان وحنين معايا بس المشكله ان اهله مش حابينا ومش مرحبين بالموضوع ولولا هو عمل معاهم مشاكل مكنوش حضروا الخطوبة ودلوقتى باباه حالف مهو حاضر الزفاف وكمان اهله مش بيسألوا عليا خالص وحتى لما بكلم حد فيهم بيكون الرد ناشف وعلى اد الكلام وبس فانا مبقتش اتصل ودلوقتى هما مقاطعنى قريبا دى اول مشكله . تانى مشكلة بقه اننا تفكرنا مختلف فى امور الحياه ودايما نتخانق على اتفه الاسباب لانه متشدد شوية وتربيته ذى بتوع زمان خالص يعنى مش بيحاول يجارى العصر انا مش بقول يعمل حاجة غلط او حرام بس والله بتكون امور عادية وهو شايف ان مينفعش والاصول والعرب كانوا كدة وكلام كدة كتير . تالت مشكله ان هو صعب شوية فى التعامل يعنى اسلوبه شوية بخاف منه ساعات يمكن عصبى زيادة ويزعق ساعات ببقه بتكلم فى حاجة عادى ساعات الاقيه يزعقلى جامد اقوله مش كدة اتكلم بهدوء شوية يقولى اصل تفكيرك نرفزنى ! انا اصلا بحب التفاهم وان الواحد ياخد ويدى معايا مش بالطريقة دى وقلتله كذا مرة لو طريقتك هتفضل كدة وبعد كدة لما نتجوز تفضل تزعق قدام عيالنا وكدة يقولى معلش استحملى وهحاول ومفيش فايدة هو غصب عنه بس انا بردو ابتديت اخاف منه خصوصا انى هادية ومليش فى الزعيق والكلام ده اعمل ايه شورو عليا الله يخليكوا مش عارفة اكمل ع الوضع ده ولا لا وفى نفس الوقت خايفة اسيبه ربنا يعاقبنى ويبعتلى واحد ميحبنيش الحب ده لانه بيحبنى من سنين طويلة ورفض بنات كتير عشانى
ليست هناك تعليقات:
إرسال تعليق