انا هعلق على حاجه واحده بتعصبى اوى وبتجننى لما يقولك متتصليش دلوقتى بتتصلى ليه ؟؟؟ اولا انا حاسه بيكى والله وعارفه انك بتغلى وجو...
انا هعلق على حاجه واحده بتعصبى اوى وبتجننى
لما يقولك متتصليش دلوقتى بتتصلى ليه ؟؟؟
اولا انا حاسه بيكى والله وعارفه انك بتغلى وجواكى نار من الخناقه وعايزه المشكله تتحل البنت بتكون هتموت وتتكلم وتعاتب ونتهى الموضوع
بس كدا المشكله مش هتتحل اللى بيحصل كالتالى تتصلى وتتصلى وتبعتى رسايل والبيه ميردش خالص بيحصلك ايه؟ بتزعلى اكتر
وانتى عماله تتصلى كدا مفكرتيش انه ممكن يكون سايق او راكب مواصلات او معاه شغل او فى وسط اهله او اصحابه ومش عايز يتكلم قدام حد او الاكتر من كدا انه مطنشك بالله عليكى ازاى تهونى على نفسك تكلميه مره وتلاته واربعه وخامسه ازاى تخلى شكلك وحش كدا قدام خطبيك اللى المفروض يشوفك اميره
عارفه باتصالاتك الكتير دى عملتى ايه :
- اول حاجه هيقول عليكى نكديه ومش وراكى إلا الخناق لأنك بتتكلمى وانتى متعصبه ومش ضايقه خطيبك
- حسستيه انك غلطانه حتى لو هو اللى غلطان وصعب اوى يعترف بغلطه ودا اساسا صعب لوحده فانتى كدا عكتيها وضيعتى حقك
- لو خطبيك عصبى يبقى انتى مخلتيش فيه فرصه انه يهدى ويعرف يفكر فى المشكله اللى حصلت.
- ولو عصبى اوى ادتيله اكبر فرصه انه يقول كلام يجرحك وممكن متعرفيش تنسيه ويأثر اوى فى علاقتكم
- غالبا مش هيتصل بيكى تانى لأنه عارف ومتأكد انك مش هتستحملى وبتتصلى فى الاخر
انا مش بقول سبيه يضرب دماغه فى الحيط او اتقلى على الرز لحد ما يتحرق بس حتى الخناق له اصول
- المشكله ليها طرفين انتى وهو يعنى لازم لازم لازم(3لازم) يكون عايز يتكلم علشان المشكله تتحل لما يقول اقفلى دلوقتى تقفلى فورا مينفعش تتكلمى لوحدك لازم يكون مهتم بكلامك وعايز يسمع ويرد
- استنى لما يهدى شويه وانتى كمان تهدى
- قومى صلى او افتحى المصحف او اعملى شويه رياضه اتفرجى على حاجه بتحبيها امسكى كتاب اقريه ادخلى اعملى كيك اعملى اى حاجه تبعدك عن المشكله شويه وارجعى فكرى تلاقى التفكير اختلف
- هديتى شوية وعايزه تتكلمى معاه جربى اتصلى مره واحده مردش خالص لما يشوف رقمك هيكلمك
- طب الوقت طول (مش خمس دقايق يعنى لأ ساعتين تلاته كدا) وبرضوا متصلش ابعتى رساله صالحيه لو انتى اللى غلطانه او عاتبيه برقه كدا لو هو اللى غلطان او حتى رساله انه لما يكون فاضى وعايز يتكلم يتصل وانك مستنيه مكالمته
- فى الاخر بتتكلمى مع خطبيك فى المشكله حافظى على هدوئك واوعى تقولى كلمه تجرح كرامته ورجولته
- دموعك يا حبيبتى غاليه اوى مش اول ما يبدأ الكلام الحنافيه تتفتح فيه رجاله كتير عياطك بيعصبهم زياده ومن كترها مش هيكون لها قيمه بعد كدا
علشان خاطر ربنا امسكى نفسك وخلى دموعك سلاح فى ايديك يطلع وقت اللزوم
يا حبيبتى مشاعرك غاليه ودموعك غاليه وكلامك كمان لازم يكون غالى
خليكى اميره ليها كبرياء وذوق تعرف امتى تتكلم وامتى تسكت
ليست هناك تعليقات:
إرسال تعليق