بصى ياست الكوتكوته انتى وهى حجات اوعى اوعى اوعى تيجى نحيتها

 بصى باه ياستى انا هقولك على الى فيها فى حاجات تعتبر كدا زى الخطوط الحمرا مش البرنامج القديم لا ياحجه ركزى وبرضو مش مسلسل احمد السقا ياختى ...

 بصى باه ياستى انا هقولك على الى فيها فى حاجات تعتبر كدا زى الخطوط الحمرا مش البرنامج القديم لا ياحجه ركزى وبرضو مش مسلسل احمد السقا ياختى ما هو التلفزيون دا هو الى بوظ دماغكوا الله يسامحه

 

خطوط حمرا يعنى مينفعش تعديها ولا تيجى نحيتها علشان تعيشى فى تبات ونبات وشغل الحواديت دا ركزى باه معايا عشان نبقى فى منطقه الامان

 

اول خط احمر مينفعش تيجى نحيته زمان كدا قيام الشباب قبل ماربنا يرضى على جوزك كدا ويرزقه بيكى اكيد طبعا كان ليه هوايات يلعب باه كوره شراب يلعب بيلى يلعب فى شعره المهم كان ليه هوايه انتى باه لو ناصحه اوعى تخلى الهوايه دى تختفى ليه قولتيلى ليه انا باه ياستى هقولك ليه والله الواحد مش عار انتوا من غيره كنتوا عملتوا ايه المهم ياستى مينفعش تلغى الهوايه دى لان الهوايات هى الى بتشكل شخصيه الانسان وبتبقى جزء لا يتجزاء منه فامينفعش باه ان انتى تيجى تغيرى الانسان الى انتى عرفتيه دا وتخليه انسان تانى انتى نفسك متعرفيهوش بالعكس انتى تنمى جوته حب الهوايات وخصوصا انها بتبقى مجال كويس انه يطلع فيه نفسه من الضغوط والعصبيه واى طاقه سلبيه جواه بدل ماتطلع فيكى انتى يا ام العيال انتى والعيال بس طبعا دا مش معناه انك تسيبى الحبل على الغرب زى مابيقولوا ويبقى كل الوقت للعب والهوايات والكلام دا وينسى ان ليه بيت واولاد لا طبعا التوازن حلو ومطلوب عشان الحياه تبقى بمبى والحجات دى كلها

نيجى باه ياست الحجه لشغل كولومبوس دا الى كلنا عرفينه وحوارات التجسس الى بتحصل دى اهو دا باه ياست الكل اكبر خط احمر مينفعش انك تعديه ليه باه ياستى اقولك انا ليه لان الراجل بطبعه ميحبش يحس انه متقيد وان فى حد مراقبه وطبعا بيكره اوى الشك والزن والحوارات الى احنا عرفينها دى اكيد طبعا كلنا بنغير وكلنا بنحب نعرف كل حاجه الفضول باه نعمل ايه بس برضو لازم تعرفى ان الشئ الى يزيد عن حده يتقلب ضدده عشان كدا احسن طريق ياستى زى ماعلمونا زمان فى الكلاس هو الخط المستقيم انتى فى حاجه مضيقاكى او فى حاجه شكه فيها اتكلمى معاه بصراحه واتناقشوا سوا عشان توصلوا لحل والحياه تبقى حلوه

تالت خط باه ياستى اما يجى الاخ حلموزوا الصغير طبعا انتى بتنسى تمام الحج ابو حلموزوا كان لم يكن وتمسكى باه فى سى حلموزوا تدلعى وتهننى وتاكلى وتشربى والراجل يضرب دماغه فى الحيط لا طبعا دا مينفعش انتى كدا هتخليه يكره حلموزوا واليوم الى جه فيه حلموزوا لازم توفقى بين الاتنين علشان متخسريش جوزك وهقولك نصيحه خليها دايما فى دماغك اعتبرى دايما ان جوزك هو ابنك البكرى لان الراجل اى راجل فى الدنيا جواه عيل صغير دايما بيدور على الحب والاهتمام فامتخليهوش يدور عليه عند اى حد تانى عشان متضيعيش حياتك

اخر حاجه باه عشان منطولش عليكى الصمت اوعى اوعى اوعى تسيبى الصمت يطول بينكوا بس مش معنى كدا انك تبقى خالتى بمبى لا طبعا بس انتى باحساسك كدا لو حسيتى ان جوزك بدا بيعد عنك زياده عن اللزوم لازم تحاولى تقربى منه تانى اه الراجل بيحتاج كل فتره انه ياخد مساحه لوحده كدا ويقعدمع نفسه قعده صفاه بس مينفعش انها تطول فا انتى باه عليكى انك اما تلاقى الموضوع دخل فى الغميق يبقى تبدائ تانى تخذبى جوزك ليكى بالتغير فى شكلك بانك تكلمى معاه فى المواضيع الى بتشغلك وبتشغله بحيث ان كل واحد منكوا ميبقاش وكانه عايش فى دنيه لوحده بعيد عن التانى