انا بحب واحده وعملت كل اللي اقدر عليه علشان ادقتملها بس بابا مش راضي

انا ولد عندى 28 سنه اتخرجت من7سنين من بعد ما اتخرجت عشت  حياتى كنت بعرف بنات بس عمرى الحمد الله ما اغضبت ربنا فى حاجه    عرفت بنت اول ...

انا ولد عندى 28 سنه اتخرجت من7سنين من بعد ما اتخرجت عشت 

حياتى كنت بعرف بنات بس عمرى الحمد الله ما اغضبت ربنا فى حاجه 

 

عرفت بنت اول ما اتخرجت هيا بتقول انها حبتنى قوى بس انا عمرى ما حبتها مش عارف ليها مع انها جميله جدا وكانت مستعده تعمل اى حاجه عشان خاطرى بس انا مكنتش شايفها ام لولادى يمكن كمان عشان قلبنا مش باءيدينا وكنت ساعتها مكسوف اقلها انى مش بحبك المهم حصل وسبنا بعض بعد مشاكل كنت شايف نفسى حيوان لان دموعها اثرت فيا قوى

المهم عدت الايام ونسيت وهيا نسيت بس كانت بتسئل عليا من فتره للتانيه قصتى بقه تبتدى من هنا بعد اما سبت البنت كان عندى اقتناع انى عمرى ما هحب مراتى طول ما انا كل يوم اعرف بنت صحيح انا مكنتش بحب حد بس كترهم فى حياتى بيبوظ معنى الحب جوايا وانا كنت صاحب شركه وكان معايا ومعايا وطبعا انتو عارفين ان البنات اللى بتهتم بالتفاهات دى كتير فقررت انى مش هعرف بنات تانى وهعيش لحد اما الاقى الانسانه اللىاحبها واديها كل شىءحلو جوايا وشويه بشويه ابتديت التزم دينيا واصلى واهتم بعلاقتى بربنا قوى والحمد الله ان ده كان عشان خاطر ربنا بس

من سنتين قابلت الانسانه دى فى مكان واتعرفت عليها عشت اجمل قصت حب ممكن انسان يعرفها على وجه التاريخ اديتها كل شىء حلو جوايا وكنت مستعد اديها اكتر بكتير من كده بس للاسف هيا الدنيا كده عمرها ما بتدى كل حاجه اتخطبنا قبل الثوره بشهر وطبعا كلنا عارفين واللى شغالين فى مجال المقاولات عارفين اكتر ان كل الشغل وقف فى البلد ومبقاش فى اى مشاريع جديده للمقاولات وانا شركتى كانت فى المقاولات بمرور الوقت الشركه انهارت وفلست رحت اشتغل بشهادتى لقيت شغلانات اصعب مما تتخيلو بس كنت برده بشتغل عشان ماثرش فى حق الانسانه الوحيده اللى انا حبتها لدرجت انى اشتغلت سواق واشتغلت جارسون مع انى خريج تعليم عالى وبلغه تانيه كمان شهادتى مش بالعربى بعت كل حاجه كانت عندى

حتى عربيتى عشان اشتري لحبيبتى الشقه اللى كان نفسها فيها القصه بقه ان باباها مش مقدر اى حاجه وبيقلى ان انا اديتك فرصتك انت عملت ايه قلتو ياعمى منا جبت شقه قالى ومفرشتهاش ليه قلتلو ياعمى الظروف قال اما انت عندك ظروف بتعلق بنات الناس معاك ليه مع كتر الضغط من اهلها قررنا اننا نسيب بعض واتفقنا ان اما الحال يتعدل نرجع تانى وقالتلى انا هستناك لاءنى عمرى ما هحب حد قد ما حبيتك بقالنا فتره سايبين بعض مش كبيره بس انا مش عارف حاسس انى خايف عارف اما بنتك تكون تايه منك وانت بتدور عليها مش عارف بجد اعمل ايه كل يوم لازم اروح تحت بيتها بس مش بشوفها نفسى اسمع صوتها بس مش عايز افرض نفسى عليها لاءنها عانت من والدها كتير وكلامه صعب قوى فمش عايز اسببلها اى تعب فى حياتها اهلى كمان عايزنى اتجوز البنت اللى كانت بتحبنى فى الاول وعمالين يزنو عليا فى الموضوع ده لاءنها بنت حلوه ومنصبها الاجتماعى مرموق قوى بس

اانا مش عايز حد غير حبيبتى انا هعمل نفسى وهكون نفسى من جديد بس هيا ترجع وارجع اسمع صوتها تانى قولوى يا ناس انا ممكن اعمل ايه هيا حتى مبتتصلش تستعبط وتكلمنى وانا اكيد عمرى ما هتصل بيها مش عارف اعمل ايه بجد اول مره معرفش افكر ومحدش يقلى اتصل بيها لاءنى عمرى ما هكون السبب فى انى اسببلها متاعب مع والدها تخيلو حد عشت معاه سنتين انا مبقاش ليا اصحاب غيرها انا مكنتش بخرج مع حد غيرها ومحبتش حد فى حياتى غيرها بجد

لارسال المشاكل ابعت رساله على البيدج هنـــا