انا مرتبطة بواحد وما فيش ما بينا توافق اجتماعي ولا تعليمي.....اعمل ايه

عايزة اخد رايكم فى موضوع بس انا هقول باختصار وبشكل عام وياريت اعرف رايكم  لو اتنين كانوا مرتطبتين وبيحبوا بعض بس حصل مشاكل كتير اوى وهو ط...

عايزة اخد رايكم فى موضوع بس انا هقول باختصار وبشكل عام وياريت اعرف رايكم 

لو اتنين كانوا مرتطبتين وبيحبوا بعض بس حصل مشاكل كتير اوى وهو طبعه صعب جدا جدا شك وغيرة واهانة بس رغم ذلك كان بيحبها جدا وهى فضلت مستحملة على امل انه يتغير وطبعه ده يتغير بس مفيش فايدة وراح كلم امى واتفق معها انه قدمه سفر لفترة ده وبعد ما يرجع هيجيب اهله ويقابل بابا وماما قالتلى شوفى انتى عايزة ايه بس انا تعبت 

 

منه بجد وزهقت وفكرت بالعقل مفيش تكافئ فى المستوى الاجتماعى ولا التعليمى ولا حتى مستوى التفكير وهتقولوا طيب لما انتى عارفة كده من الاول فضلتى معه ليه كان عندى امل اننا بحبنا وتمسكنا ببعض هتغلب على كل المشاكل والعقبات بس اكتشفت انى بضحك على نفسى وانى فعلا مش عارفة الاقى وسيلة تفاهم ولا حوار معه هو عامل زى الطفل طول الوقت عايزانى ادلع واهتم واسال ولو معملتش كده ابقى مش بحبه ويحصل مشاكل وخناق وهو سطحى جدا مش بيعرف يفكر ولا فيه حاجة عنده اسمه لغة حوار دايما خناق المهم انى قررت اخيرا انى ادوس على قلبى وابعد رغم اننا بنحب بعض جدا بس للاسف مفيش اى نوع من انواع التفاهم والنقاش 

بس لما قولتله قرارى ده فؤجت انه بيدعى عليا جامد اوى وادعية وحشة اوى وبيقولى انتى كسرتينى ودمرتينى انا حبت من كل قلبى وروحت لماماتك وكنت قريب رايح اقابل باباكى بس لما ارجع من السفر وكان عندى استعداد اعمل المستحيل عشانك تيجى تقولى انك مش عايزة تكملى حياتك معايا وعتبنى عتاب بجد وجعنى اوى وصعب عليا جدا جدا لانه كان متعلق بيا جدا وانا كنت احلامه كلها ومستقبله بس هو بردو اللى كان بيدمر حبى ليه بالخناق والزعيق والاهانات وصلت كمان انه كان بيشتمنى وانا كنت بستحمل واقول معلش هو بيحبك واعزريه لانه كان متعصب بس انا حاسة بالذنب انى حاسة انى كسرت قلبه بس انا صبرت عليه كتير وهو مش بيتغير يعنى كان المفروض اقبل بكل ده واستمر رغم العقبات دى والحب كان هيخلينا نستحمل بعض ولا اللى انا عملته ده هو الصح انى فكرت بعقلى وبصيت للجاى مش للى راح وممكن فى المستقبل عدم التفاهم والاحترام يخلى الحب يدمر بس هو بجد صعبان عليا نفسى اسمع صوته تانى واقوله متزعلش انا جمبك بس خايفة اوى من اللى جاى من عدم التوافق انا مش عارفة اعمل ايه انا تعبانة اللى عملته ده صح ولا انا كده ظلمته 

لارسال المشاكل ابعت رساله على البيدج هنـــا