انا اسمى احمد ويشتغل محاسب فى مجمع التحرير من شهر 12 كده وكنت بدور على عروسه فلاقيت واحد زميلنا بيرشحلى بنت واحد زميلنا معانا فى الشغل و...
انا اسمى احمد ويشتغل محاسب فى مجمع التحرير من شهر 12 كده وكنت بدور على عروسه فلاقيت واحد زميلنا بيرشحلى بنت واحد زميلنا معانا فى الشغل وفعلا زميلى كلمه ورحت البيت عندهم وفعلا لاقتها اجمل انسانه فى الدنيا وحصل قبول وبعد كده لاقينا بعض بنحب بعض اوى ومنقدرش نستغنى عن بعض لدرجه اننا كنا بنتكلم الساعه 4 الصبح عشان كنا واحشين بعض اوى وكانت بتصحينى من النوم الصبح عشان شغلى ولما كنت ارجع كانت
بتطمن عاليا المهم كل ده كويس لحد عيد ميلادى فى شهر 7 نزلت جابتلى قمصيين هديه وكنت فرحان جدا انها فكرانى وتعبت نفسها عشان المهم بعدها كده ب 10 ايام فى رمضان اللى فات يعنى فى اول شهر 8 اتفجات باباها اتصل بيا بيطلب فسخ الخطوبه المهم كلمته بدل المره ميه وقولتله اللى انت عاوزه هعمله والانسان خطا وانا ممكن لو فيه حاجه غلطت فيها معلش انا لسه سنى صغير واكيد مش ببقى فاهم فى كل حاجه فى الدنيا ومعلش واستحملنى مع انى مش عارف انا غلطت فى ايه بيقعد يقولى حاجات عبيطه اوى مش هى اللى تفسخ خطوبه عشانها يعنى عشان مره كنا نازليين انا وزوجته وخطيبته ومكنش فيه تاكسيات خالص خالص فركبنا مواصلات زعل جدا وحاجت عبيطه اوى المهم ان البنت مكلمتنيش خالص من ساعتها ولا حاولت تطمن عاليا ولا تسمع صوتى ولا تشوفنى عايش ولا ميت ولما لاقتها على النت فاتحه سالتها قالتلى اصل بابا سحب منى الشريحه بتاعت الخط قولتلها طيب كلمينى من تليفون اختك او لما تنزلى وقالتلى ربنا يسهل وبردوا متكلمتش المهم ساعتها دخلت عمى وخالتى وخالتى التانيه واخويا وزمايلنا فى الشغل وبردوا الرجل مصمم لدرجه انى استغربت على درجه تصميمه دى وانى اتفكرت نفسى انى وحش اوى كده وبعد كده بعد العيد با اسبوع اتفاجأت انها اتخطبت وهتتجوز كمان اسبوع اهو طيب ده يبقى ايه طيب انا بحاول افرض حسن الظن فيهم لانى حبتهم بس مش عارف يعنى هو فيه واحده لسه طالعه من تجربه بعدها با اسبوعيين تتخطب وتتجوز بعدها بشهر ونص طيب لو فرضت انه واحد قريبهم وجاهز وغنى ينفع تتجوز واحد لسه ملحقتش تعرفه وعرفته فى شهريين بس تقوم تتجوزه المهم انا من ساعتها بدور على انسانه كويسه وشوفت بنات بس للاسف وانا قاعد معاهم بحس بشريط ذكريات قدامى وكمان فيه مقارنات كتيره اوى من ناحيه الشكل والتعليم بخطيبتى الاولانيه فبجد انا حاسس انى مش هلاقى حد فى جمالها واكون مقتنع بيه زيها بجد انا وصلت لمرحله اليأس انى خلاص كده مش هلاقى حد احس بنحيته بقبول تانى فياريت يا جماعه تقولولى رايكم ايه فى الى حصل وياريت لو حد عنده انسانه كويسه تصلح تكون زوجه صالحه يعرفنى لان بجد اليوميين دول صعب اوى حد يلاقى الزوجه الصالحه
لارسال المشاكل ابعت رساله على البيدج هنـــا
ليست هناك تعليقات:
إرسال تعليق