لو حاسة ان جوزك بقى ينتقد لبسك وجسمك واسلوبك وحركاتك هنا لازم تقفى وقفة مع نفسك مش هينفع تكملى كده ...اولا الشباب مش هيرجع ليكى تانى وا...
لو حاسة ان جوزك بقى ينتقد لبسك وجسمك واسلوبك وحركاتك
هنا لازم تقفى وقفة مع نفسك مش هينفع تكملى كده ...اولا الشباب مش هيرجع ليكى تانى والراجل ان راح ياحلوة لاقدر الله يبقى خلص الكلام
لو انتى من دول يبقى تعالى اقولك على شوية افكار ترجعى بيهم شبابك واعجاب جوزك بيك
_نظافتك الشخصية اخبارها ايه؟؟؟؟؟
شعرك:
بتهتمى بنضافة شعرك وريحته ؟بتعملى حمام كريم مناسب ليه كده كل فترة لترطيبه ؟؟؟بتغيرى من قصته وتسريحته ؟؟فكرتى قبل كده تسالى جوزك نفسه تصبغى شعرك لون ايه ؟؟
بشرتك :
بتهتمى بغسيلها يوميا بغسول مناسب ولا لسه بتغسليه بالصابونة بتاعت الحوض ؟؟؟؟بتهتمى كل يوم بترطيبه بكريم مناسب لنوع بشرتك ولا لا؟كل فترة كده مبتروحيش عند متخصصين تعملى حمام بخار لوشك او حتى فى البيت ؟؟؟مبتعمليش ماسكات مغذية لبشرتك ؟؟
كل اسبوعين كده مبتشليش الشعر الزايد منه (ماعدا الحواجب طبعا)؟؟
جسمك:
بتهتمى تجيبى شور جيل للحمام مرطب وريحته حلوة ؟لوشن مغذى لبشرة جسمك يخليه زى الحرير ؟؟؟بتشيلى كل اسبوعين او على حسب نوع بشرتك الشعر الزايدمن جسمك ؟؟فكرتى تجيبى انواع مقشرات الجسم اللى بتخلى ناعم وحرير ؟
وزنك :
مبتحاوليش تمشى على نظام غذائى يخفف وزنك ويخفف الترهلات اللى فى جسمك ؟؟؟مش بقولك تبقى مانيكان لا على الاقل وزن معقول
مكياجك وعطوك :
لسه بتجيبى الجديد منه وبتهتمى قوى بزينتك قدام جوزك ؟؟؟و بتغيرى كل فترة من عطورك وروايحك ؟؟ابتسامة
لبسك :
لسة بتلبسى العبايات الفسكوز والاميه والقطيفة ؟؟؟؟لسه بتلبسى الواسع والمهلهل عليكى ؟؟؟لو حاجة مخرومة ولادايبة ولا كمها ملسوع لسه بتلبسيه قدام جوزك ؟؟؟امتى اخر مرة جبتى قميص نوم جديد ؟؟؟بيجامة خفيفة شورت وبدى لجوزك ؟؟؟
اسلوبك :
لسة بتزعقى وصوتك بيعلى كل مابتتكلمى مع جوزك ؟؟؟؟لما بيتصل بيكى جوزك على الموبيل لسه بتقوليله افندم ونعم واتفضل قول ؟؟لسة برضه اول مابيجى من برة بتمدى بوزك شبرين علشان يسالك مالك تروحى تفتحى على الرابع وتفضلى تشتكيله من العيال وامك واخواتك والزهق وانه سايبك طول اليوم ؟؟؟
بتزعقى وتسوطى فى وش عيالك قدامه ؟؟؟بتشتميهم يابن ال ....ويابنت ال....بالالفاظ دى عادى كده ؟؟؟لسة بتستخدمى غووورى ويازفت وياحمار ويانيلة وووووووو
اطفالك :
لسة بنتك شعرها منكوش من امبارح ؟؟بامبرز الواد من الصبح قالبة ريحة البيت وسايباه على كده؟؟؟لسه جوزك بيجى من برة بلاقى اللى هدومه طالعه من البنطلون واللى لابس بلوزة الترنج البمبى على بنطلون الترنج الازرق ؟؟؟لسه بيحى يبوسهم يلاقى بواقى الاكل على وشهم ؟؟؟
بيتك
مواعينك لسة بتسيبيهم متكربسين فى الحوض طول اليوم ؟؟؟ولسة من الصبح غطا السرير متفردش ؟؟؟والبيت محتاج يتكنس ومتكنسش ؟؟
والعيال مكركبين البيت وسابيهم يضربوا يقلبوا
طب حمامك ومطبخك اخبارهم ايه ؟؟؟
ردى على الاسئلة بينك وبين نفسك وراجعيها وشوفى
ليست هناك تعليقات:
إرسال تعليق