ازاى تبقى فرفوشه وحبوبه فى نظر شريك الحياه المنتظر

 كتير بتلاحظى كلمه بتتقال ان البنت دى روحها حلوه ان البنت دى حبوبه والكلمه الجديده الى طلعت نعومه تمام ازاى باه الواحده تبقى روحها حلوه وحب...

 كتير بتلاحظى كلمه بتتقال ان البنت دى روحها حلوه ان البنت دى حبوبه والكلمه الجديده الى طلعت نعومه تمام ازاى باه الواحده تبقى روحها حلوه وحبوبه ونعومه ومرحه كدا سالتى ازاى تعالى وانا اقولك

بصى ياست الكل مفيش شك ان الجد كويس ومطلوب فى اوقات كتير بس لو زاد عن حده هيبقى شئ سخيف ومحدش يستحمله وزى ما بيقولوا لكل مقام مقال وعشان كدا لازم تزازنى بين الجد الهزار المرح والجديه

ونبدا باه مع الصفات الى لازم تكون موجوده فيكى عشان تكونى شخصيه جذابه

1- الثقة بالنفس: 

ودى حاجه مهمه جدا جدا الانسان اما يكون واثق من نفسه بيكون عارف هو عايز ايه بالظبط وبيكون قادر انه يوصل دا للشخص الى قدامه وبالتالى يقدر انه يفرض احترامه ودايما الراجل يحب البنت الواثقه فى نفسها عشان كدا لو انتى من الناس المتردده لازم تتعلمى ازاى تكونى واثقه فى نفسك 

2- الطبع المرح والابتعاد عن الجدية: 

زى ما قولنا الطبع المرح اه الجديه مطلوبه بس برضو لازم توازنى بين الاتنين عشان متبقيش كئيبه لا حبه كدا وحبه كدا

3- الإيجابية:

مش لازم دايما تسودى الدنيا والمستقبل لا خليكى متفائله كدا وخصوصا ان الحاجات دى بالعدوه يعنى لو انتى متشائمه هتعدى الى حواليكى وتخلى الدنيا كحلى لكن لو تفائلتى هتلاقى فى طاقه ايجابيه كدا حلوه فى المكان وزى ما رسولنا الكريم قال تفائلوا بالخير تجدوه

4- الرومانسية والرقة:

الرومانسيه صفه مهمه جدا بس لازم تكون بحدود برضو عشان متبقيش اوفر بس اما تكونى رقيقه كدا ورومانسيه هتبقى جذابه جدا

5- اللطف:

لازم تبقى لطيفه وخفى باه من المقالب والحقد الطبقى دا لا خليكى خدومه ولطيفه كدا هتلاقى الناس بتحبك 

بس ياستى هو دا السر الى يخليكى ورحك حلوه ومرحه وحبوبه