انهارده جيت احكى لكم على حاجه بيسطه يمكن كلنا مرينا بيها بس انا قلت اكتبها يمكن محدش خد باله منها من كام يوم طلبت من زوجى يشترى ل...
انهارده جيت احكى لكم على حاجه بيسطه يمكن كلنا مرينا بيها بس انا قلت اكتبها يمكن محدش خد باله منها
من كام يوم طلبت من زوجى يشترى لى علبه مناديل كبيرة اللى فيها 700 منديل دى المهم لقيته تانى يوم داخل عليا
ب 5 علب مناديل وقال ايه ب 10 ج وبيقوللى عرض
طبعا شكل العلب وحش جدا وفتحت المناديل شكلها مش نضيف خالص اتضايقت خالص وقلت له احمد كده يااحمد ايه القرف ده دى منظر مناديل تجيبهالى ينفع كده
هوة علشان عرض تجيبلى القرف ده
قال لى كلمه هزتنى قال لى((يانهال انا مشترش المناديل علشان عرض انا اشتريت المناديل علشان الراجل غلبان ومحدش راضى يعبره فصعب عليا وياستى استخدميهم امسحى بيهم المطبخ ولا التواليت))
قلت له طالما كده خلاص يااحمد عندك حق برافو عليك
موقف تافه وعادى وبيحصل فى اى بيت صح
عايزة اقولكم ان بعدها احمد ماشاء الله جاله مبلغ محترم جدا كان منتظرة من زمان من 4 شهور بالظبط وجاله وبزياده كبيرة جدا
عارفين معنى كده ايه
اننا نفكر فى غيرنا حتى لو مش محتاجين الحاجه دى
ربنا فرح قلب زوجى زى ما زوجى كانت نيته خير انه بفرح الراجل ويشترى منه
كام مرة واحد وقفك فالشارع يبيع لك ليف مواعين ولا جلده انابيب وتقولى له مش عايزة
انا عندى
ياستى ارضيه دا انتى هتشترى ب 2ج مش مهم خديهم وعنيهم اكيد فيوم هتحتاجيهم
واحده بتقول انها ركبت
مترو وواحد عجوز اشترى جريده من البياع وقا لها اقرى لى العنوان فقالت له انت مش بتعرف تقرا قال لها اه مش بعرف بس اشتريته لان بتاع الجرايد غلبان ومحدش نفعه بحاجه
عارفين يا بنات ممكن اللى بيبع ده يفضل طول اليوم على رجله ومحدش يشترى منه وانتى ممكن ترضيه ب 2 ج ولا 3 ج حتى لو مش محتاجه
عايزة اقولكم ان اننا واحنا نازلين خدى معاكى اى حاجه مش محتاجاها فكيس اكيد هتلاقى حد تديهاله وانتى ماشيه حتى لو خدتى برتقاله او موزايه او بسكوته
ادخلى افتحى الجزامه بتاعتك وطلعى كل الجزم اللى انتى مش محتاجاها وطلعيها للى محتاج ولو مش تعرفى حد حطيها فكيس وحطيها قدام بيتك قدام عمارتك
ربنا هيبعت لها رزقها
لازم نفكر فى غيرنا حتى ولو بلمسه صغيرة
لازم نفكر فى غيرنا زى مابنفكر فى نفسنا
انا بعرف اطبخ ممتاز جدا بس بخاف افتح الشفاط او الاكل يكون ليه ريحه وجيرانى يشموا ومش معاهم يجيبوا بخاف على مشاعرهم لدرجه الست جارتى اللى فوقى قالت لى انتى خايبه مش بتعرفى تطبخى احنا بنشم ريحه اكل الدور اللى تحتك ومش بنشم لك اى ريحه اكل شكلك مش بتعرفى تطبخى ابتسمت فى صمت ومن جوايا انا فرحت انى رضيت ربنا وخفت على مشاعر جيرانى
الانسان مش لازم يقول انا مش بعمل كذا وكذا علشان كذا
لا ربنا عالم نيتك واللى بتفكرى فيه
من شهر تقريبا كانت اختى بايته معايا وسهرن للساعه 6.30 صباحا وكنا بقالنا فترة فى حر جامد وخلاص صيفنا وسمعنا صوت فالشارع كده فلبست الاسدال وطلعت البلكونه لقيت البيت اللى جنبنا هيبنوا وجايبين عمال وكده وسقالات ورمل وزلط ولقيت فجاه الجو اتقلب هوا تلج وبررد رهييييييييييب وكان فيه عامل من العمال لابس نص كم وخفيف وبيقول لواحد انا هموت من البرد انا بردان والهوا بجد عمرة ماحصل كان بيهز الشجر والواد ياعينى جاى لابس كده على اساس الجو حر
بجد زعلت اوى دخلت جرى ادور فدولاب زوجى فجاة ربنا بعتلى بلوفر وقع من الرف اللى فوق شتوى كان عندنا مش بيتلبس كان جوز اختى جايبه لجوزى وجوزى مش لبسه خدته جرى وخليت اختى تنادى عليه وتقوله خدة ليك مش ترجعه مش عايزة اقولكم عالفرحه اللى كان فيها ولبسه وانا فرحت على انه حس بالدفا بعد ماكان بردان
سبحان الله عايزة اقولكم حاجه ربنا خلانى اسهر مع اختى نتكلم وتيجى تبات معايا علشان لو كنت نمت مكنتش هسمع اى حاجه ولا هعرف ان فيه شخص بردان ونا نايمه فبيتى متدفيه
مش عايزة اقولكم عالخير اللى حصل لى بعد الموقف ده الحمد لله
اخيرا يا حبايبى انا عارفه ان فيه منكم كتير بيعمل خير ومنكم اللى نفسه يعمل بس مش معاه تصدقوا ولو بلقمه خبز ل قطه فالشارع او كلب اكيد هتفرق اى حاجه ولو بسيطه هتقدميها لغيرك اكيد هتسعده
ليست هناك تعليقات:
إرسال تعليق