الحاجة دى أوصت بيها ال WHO اللى هيا ولامؤاخذة منظمة الصحة العالمية من سنو 1980 يعنى من حوالى 33 سنة و بتقول فى توصيتها ان الحا...
الحاجة دى أوصت بيها ال WHO اللى هيا ولامؤاخذة منظمة الصحة العالمية
من سنو 1980 يعنى من حوالى 33 سنة
و بتقول فى توصيتها ان الحاجة دى هتقلل نسبة الاصابة بأغلب الأمراض المنتشرة
اللى بتسببها البكتيريا العنقودية ( اللى بتعمل حب الشباب و أمراض جلدية كتيرة )
و البكتيريا الشريطية ( بتعمل التهابات جلدية كتيرة منها مرض اسمه مرض الحمرة )
و بكتيريا التيفود و الكوليرا و الحمى الصفراء و أنواع كتييييييييييييييييييييييييييييييييييير أوى
هتقللها بنسبة أكتر من 80 %
طيب ايه أسامى البكتيريا الغريبة دى
مش مهم تعرفى هيا ايه
المهم بس تعرفى
ان البكتيريا العنقودية الصفراء دى
هيا البكتيريا اللى موجودة على جلد حضرتك
و بتدخل فى المسام و الغدد الدهنية و تتكاثر فيها و تسبب (( حب الشباب ))
طيب هيا ايه اللى طلعها على وشى بس
اسألى نفسك سؤال
ايه أكتر حاجة بتلمس وشك
المناديل ؟
لأ
الوايبس ؟
لأ
بوء صاحبتك وهوا بيبوسك ؟
بردو لأ
أمال ايه ؟
نسمة الهوا الطايرة ؟
لأ ( عشان البكتيريا غالبا هتموت فيها )
أمال ايه أكتر حاجة بتلمس وشك
ايييييييييييييييييييييييييييييييييييييييييييييييدك يا ماما ايدك
ايدك دى مليانة بلاوى ياما انتى مش واخدة بالك منها
بتنقلى بيها البكتيريا من أى سطح ايدك لمستو الى وجهك العزيز
طب ايه الحل
الحل هو (( غـــــــــــــــســـــــــــــــيـــــــــــــــــ ـل الايـــــــــــديـــــن ))
تاتاتاتاااااااااااااااااااا
غريبة مش كدا ؟
غريبة ان حاجة بسيطة و عبيطة زى دى
الأبحاث العلمية تثبت انها هتحميكى من أمراااااااااااااااااااااااااااض كتيرة أوى
جلدية و معوية
و باطنة و ظاهرة
و جميع أنواع الاصابات البكتيرية هتقللها بنسبة كبيرة جدا تصل لأكتر من 80 %
يا جماعة انتو مش فاهمين الرقم دا كبير قد ايه
و عظيم اد ايه
و معانا الدليل العملى
دكتورة مصرية
كانت شغالة فى مستشفى من مستشفيات السعودية
لاحظت حاجة
ان معدل تلوث الجروح و اصابتها بالبكتريا و بالتالى عدم التئام الجروح بيزيد
فعملت تجربة على مقيمى هذا المستشفى
ابتدت تطبق نظام و سياسة غسيل الايدى و توعى الناس بيها و تراقب و تفرض السياسة دى
على المرضى و على العاملين فى المشفى
تفتكروا ايه اللى حصل
فى خلال 5 شهور
قلت الاصابات من 70 %
لحد 30 %
و دا انجاز كبير أوى
اتحقق بحاجة بسيطة قوى قوى قوى
ممكن تستهونى بيها
استنى بس متمشيش
انتى فاكرى انك لما تحطى ايدك تحت الحنفية لمدة 3 ثوانى
كدا خلاص غسلتى ايدك ...
؟؟؟؟؟؟؟؟؟؟؟؟
نووووووووووووووووووو أنا أسفة
لأن بردو منظمة الصحة العالمية (تانى )
عملت دراسة اثبتت بيها
ان طريقة غسل الايدين العادية دى بتاعت العامة
بيتبقا بعديها 60 % من الأوساخ و الجراثيم
انما لو اتبعتى الوسيلة الصح
هتنزلى النسبة الى 20 % بس
ليست هناك تعليقات:
إرسال تعليق