مشكلتى أنى بحب مدرسى انا مش بحبه انا مريضه بحبه ومش عارفه اعمل ايه؟

السلام عليكم .. انا مشكلتى مشكله تعباانى جدا وخنقانى بجد .. مشكلتى بقه انى تعبانه بيه .. اه والله انا موش بحبه ولا بعشقه انا مريضه بيه بجد...

السلام عليكم .. انا مشكلتى مشكله تعباانى جدا وخنقانى بجد .. مشكلتى بقه انى تعبانه بيه .. اه والله انا موش بحبه ولا بعشقه انا مريضه بيه بجد .. ليل ونهار مش ببطل تفكير فيه .. مش بيروح من بالى .. بتخيله ف كل حاجه حواليا .. ف كل شارع بمشى فيه .. فى كل عربيه بركبها .. فى كل حاااااجه تقريبآ .. المشكله انه والله العظيم غصب عنى كل دا بلاقى نفسى بفكر فيه ف كل وقت .. حتى فى الصلاه .. الشخص دا انا عارفاه من سنه وشويه تقريبا .. والمشكله ان الشخص دا مينفعش اصلا انى احبه او اتعلق بيه ! .. ليه بقه .. لانه مدرس ايوا والله مدرس مش زميل ولا جار ولا قريب ولا اى حد من دوول .. مدرس يعنى العلاقه بينى وبينه مش لازم تزيد عن حدودها .. وكمان هو متجوز وعنده ولاد (ربنا يخليهم له ) .. هو عمره فى التلاتينات كده .. المشكله الاكبر بقه انى مش عارفه انا ليه بفكر فيه بالطريقه دى اصلا .. انا كنت اعرف ان ال بيحب حد بيحبه عشان شخصيته او عشان حاجات معينه ممكن يكون بيحبها فيه .. لكن بعد م عرفت الشخص دا اكتشفت ان المرض العجيب دا ابتلاء من ربنا وبالذات لما يكون من طرف واحد .. انا مش بحب شخصينه اصلا ومش بحب فيه حاجات كتير .. يمكن يكون هو اكتر المدرسين ال اعرفهم ال شخصيتهم مش عجبانى ومش بتشدنى ويمكن تكون مفيش حاجه عجبانى فيه اصلا غير حاجات قليله .. نفسى اعرف ليه بأه بفكر فيه كده !! انا بجد تعبت .. ودايما بدعى ربنا انه مش يعلق قلبى ولا يشغل عقلى الا بيه _ سبحانه وتعالى _