أولا أنا في الكل الحالات محتاجة دعواتكم لأني بجد بموت وحاسة بألم فظيع، ربنا ما يكتبه على حد أبدا أنا بحب شخص من سنتين أنا 21 وهو 22، بجد ...
أولا أنا في الكل الحالات محتاجة دعواتكم لأني بجد بموت وحاسة بألم فظيع، ربنا ما يكتبه على حد أبدا
أنا بحب شخص من سنتين أنا 21 وهو 22، بجد مكنتش اتخيل ان ربنا يرزقني بشخص كدة، متفاهمين لدرجة كبيرة، لدرجة آرائنا في كل أمور الحياة تقريبا واحدة، متدين ومحترم، وحنين، وراجل ورغم إني شخصيتي مستقلة وقوية إلا اني وصلت في حبه لمرحلة الإدمان، بموت من غيره واتعذب لو بعدنا عن بعض حتى لو لظروف عادي
ة، وهو كمان بيحبني جداااااااا وبيحترمني ويعمل عشاني أي حاجة، ومالناش غير بعض، هو كان بس مستني بس يمسك شغل كويس ويجي يتقدم وللأسف بقاله سنة دة محصلش لكن كنا بنقول ربنا يكرم إن شاء الله .. المشكلة بقى ان المفروض والده كان هيبني له دور في بيت العيلة عشان يتجوز فيه، لكن حصل خلافات بينهم، هو والده قاسي ومش متفاهم طول عمره معاه، وده لحد ما قسى قلب ابنه عليه، ودايما يدايق ابنه عشان لسة مشتغلش، رغم انه والله مش بايده، آخر مرة بقى اتخانقوا جامدددددد وزعيق وفي كلام اتقال مكنش ينفع ابدا يتقال، بس نتيجة خلافات سنين بقى، غلط في باباه جامد وقاله انا مش عايز حاجة منك وأنا ربي هيكرمني وهعتمد على نفسي ومش محتاجلك، والده قاله طيب وريني هتبني البيت ازاي، قام قاله لي رب ومش محتاجلك... حاولت أصلح كتييييييييير عشان ربنا وعشان العلاقة بينهم وعشانا بس مفيش أمل .. هو عايز يثبت لوالده انه مش محتاجله وانه راجل ويقدر يعتمد على نفسه عشان والده ميدايقوش ولا يعايره
هو خيرني لو أقدر استنى أنا وأهلي عليه لحد ما يقدر ولا لأ وأنا كنت مصدومة معرفتش أقول ايه .. فكرت كتييييييييير بس أهلى لو عرفه الظروف دي مش هيوافقوا، ولو وافقوا واستنوا، وأنا هستناااااااااااه لحد آخر العمر أنا مليش غيره، بالظروف دي مفيش امل يقدر على ده أصلا !! واهلي ممكن في أي وقت يسألوني على ظروفه ولو عرفوا كدة هيقلولي انسي وهيخافوا على من الخناقات دي هم الحمد لله مش من النوع الي مستعجل على جوازي ... لكن أقولهم هستناه 10 سنين ؟!! ... أنا بموت بجد مش متخيلة حياتي بعده .. أستناه وأقف جنبه .. في أمل يعني؟
ولا أضغط عليه وأطلب منه يلجأ لوالده عشان ملهاش غير كدة، يا كدة يا ننفصل !! وهو يختار .. أنا مستحيل أقدر أماطل مع أهلي لحد ما يقدر يبني شقة !
أعمل ايه ؟؟؟؟؟؟؟؟؟؟؟؟؟؟
ليست هناك تعليقات:
إرسال تعليق