انا مشكلتى غريبه شويتين انا مش عارفه المشكله فين .. اعذرونى على ان الكلام كتير شويه... انا عندى 22 سنه متخرجه من سنه كان فى واحد زميل...
![]()
انا مشكلتى غريبه شويتين انا مش عارفه المشكله فين .. اعذرونى على ان الكلام كتير شويه...
انا عندى 22 سنه متخرجه من سنه كان فى واحد زميلى ف الكليه محترم جدا كل ال كان بيننا كان كلام عادى ف دراسه ف كورسات وبس انا كنت بحترمه اوى وقت الكليه وكنت معجبه بيه او حبيته كمان وهو كمان كان بيحبنى بس مرضاش يصارحنى ب دا لانه لسه بيدرس وانه مش قد الحاجه دى ف وقت الدراسه يعنى
المهم اتخرجنا خلاص وف حفله التخرج عرفت منه انه عاوزنى وكدا بس لسه هيظبط امور الشغل وكدا ويتقدملى الكلام دا كان ف شهر 10
وفعلا هو جاب شقه واشتغل وكل حاجه وجه فعلا قابل والدى ف شهر 5
المهم انا ليا اخت كبيره واخ اتجوزوا بس هما الاتنين واخدين من معارفنا يعنى اصحاب بابا وكدا ف مكنش فى مشكله..... المشكله فيا بقا ان زميلى دا من منطقه بعيده شويه عننا يعنى ف بابا قلوووق جدا وبيخاف وحاسس انها مسؤليه وانه خايف يكون مش كويس بالرغم من انه سال عليهم كتير والناس قالوا كلام كويس بس بابا خاف وكان نفسه يلاقى عيب واضح عشان يريح ضميره المهم وقتها والدتى تعبت وكان تعب نفسى ف بابا رفضه وقتها بسبب ظروف ماما دى
وقتها احنا االاتنين اتصدمنا طبعا وهو بعتلى انه اترفض من غير سبب فيه واما فهمته ان دا بسبب مشكله عندنا احنا قالى باباكى مش اجل انتى باباكى رفض خالص المهم قالى بقا انه خلاص مش من حقه انى يكلمنى وكدا وبعدنا فتره فعلا بعدها مش قدرنا ورجع كلمنى تانى وانا اديته امل ان الموضوع هيتظبط عندنا وكدا وربنا هيكرم
فعلا ربنا كرم وماما بقت كويسه وااختى كانت وعدتنى انها هتحاول ف الموضوع تانى ف كلمت بابا وقالها تشوف ماما الاول ف لما ماما وافقت قولنا خلاص اتحلت .. لقيت بابا رجع لخوفه وتردده تانى وقعد يجيب مواقف لناس اتطلقوا وحوارات كتير كدا وقعد يقول نسال عليه تانى وكلام من دا
المهم دلوقتى الشاب خلاص تعب وزهق من طول المده وانه مفيش سبب لان خلاص المشكله اتحلت بس انا مش معرفاه بالتفصيل وتردد بابا وكدا لانى عامله هم بعدين وانى مش عاوزاه يدايق من جواه من اى حد عندى وكدا
دلوقتى انا بابا مستمر في ال هو فيه دا ونفسه يلاقى عيب فيه وعمال يطول ف الموضوع اوى والايام وكان الناس دى هتستنانى لاخر العمر والولد اهله خلاص بدأوا يزهقووا ومش فاهمين ف ايه وممكن يتقفلوا م الموضوع ف اى وقت وهو كمان تعب يعنى من الوضع دا
انا مش عارفه اتصرف ازاى ولا اعمل ايه بجد حاسه ال اليوم فارق ف موضوعى دا لان لو اهله قالوا خلاص وقفلوا هتبقى انتهت ف نفس الوقت انا بابا مش بيتكلم معايا خالص ف الموضوع دا والكلام من خلال اختى لانه خايف من رد فعلى ومش عاوز اشد انا وهو بس ف نفس الوقت هو عارف انى عاوزاه بس مش عاوز يمشى الامور
انا مش عارفه الحل ايه بس ياريت حتى لو حد قرا مشكلتى ومش عنده حل يدعيلى بظهر الغيب ان ربنا يفرج همى ويكمنى بفرجه عاجلا غير اجلا اللهم امين
وشكرا ليكوا واسفه انى طولت عليكوا
لارسال المشاكل ابعت رساله على البيدج هنـــا
ليست هناك تعليقات:
إرسال تعليق