طريقه عمل العيش التوست

      المقادير: 3 كوب دقيق - كوب ونص ماء دافىء - 2 معلقه سكر- 3 معالق زيت زيتون او زبده او زيت نباتى نص معلقة كبيرة خل - مع...

 

 

 

المقادير:

3 كوب دقيق -

كوب ونص ماء دافىء -

2 معلقه سكر-

3 معالق زيت زيتون او زبده او زيت نباتى

نص معلقة كبيرة خل -

معلقة ملح -

2 معلقة خميرة فوريه

3 معالق حليب بودر(اختيارى)

 

 

التحضير:

اول حاجه هاندوب الخميرة مع السكر فى نص كوب ماء دافىء

وننخل الدقيق ونضيفله الحليب البودر والملح

نضيف المقادير على بعضها ونعجن نعجن كتير اوى يا فتوكات

لحد ما تبقى عجينه طريه لونها فاتح ونسيبها تخمر ساعه

نعجن حوالى ربع ساعه

نرش عليها شوية دقيق ونسيبها ساعه تخمر

افردها واطويها رول

العجينه طريه جدا وجميله ومريحه على الاخر

ندهن القالب زيت ونحطها

نسيبها تخمر ساعه ونص علشان تعلى وتنفش على لاخر الطبخ:ندخله بقى على فرن حااااامى

على الرف الوسطانى بيحب الحراره الهاديه

علشان وشه يبقى مقرمش

قبل مايدخل فى السوا ندهن وشه زيت علشان يلمع

على مرتين طلع خلاص هانسيبه يهدى علشان نقطعه

وقطعيه وقدميه لجوزك

وبالهنا والشفا