علشان تنجحي في فترة خطوبتك.... تعالي اقولك حتعملي ايه

  الخطوبة دي فترة من اهم فترات حياة البنت لانها بتعرفك بشخصية وطباع زوج المستقبل ورغم ان فيه طباع مبتظهرش غير بعد الزواج بس في طباع ب...

 

الخطوبة دي فترة من اهم فترات حياة البنت لانها بتعرفك بشخصية وطباع زوج المستقبل

ورغم ان فيه طباع مبتظهرش غير بعد الزواج بس في طباع بتظهر مع مواقف الي بتحصل بينكم زي الغيرة والعصبية الحنية واللامبالاه البخل وطباع تانية كتتتتتير علشان كده لازم تحكمي علي شخصية خطيبك من خلال المواقف اللي بيتعرضلها وممكن انتي تخترعي بعض المواقف الي تخليكي تتعرفي عليه اكتر علشان كده أجلي فرحك لحد ما تبقي مرتاحه مستعده لتحمل طباعه

وعلشان تنجحي في فترة خطوبتك تعالي اقولك حتعملي ايه

لازم تهتمي بالتفاصيل في حياته وتسالي نفسك دايما هو بيحب ايه من الاكل والبس والاشخاص ؟ بينام بدري ولا متاخر؟

حسسه انك بتساعديه علي التقرب من ربنا يعني تتفقوا انكم تصلوا سوا تصلوا بسور واحدة ودعاء واحد تكونوا متفقين عليه وصحيه الفجر علشان تصلوا سوا صموا ايام مع بعض

الراجل بطبعه طفل صغير مهما كان سنه او مستواه الاجتماعي محتاج دايما الدلع والحنية والكلام الحلو وحسسه انك الكان ضعيف وهو الفارس المنقذ بالنسبة ليكي

انت باسلوبك وصوتك الهادي وممكن شويه هزار وضحك تحلي اي مشكلة ما بينكم ابعدي تماما عن العند وتشجعيه لما يكون فرحان ومتحمس وتوسيه لما يكون حزين وحسسيه انك دايما جمبه وانه ملهوش غيرك

لازم تكوني مستمعة جيدة حولي تفتحي معاه حوارات كتيرة واستمعي منه اكتر ما تتكلمي معاه وخليه يحكيلك عن نفسه واصحابه وعائلته صمت المراة يزيد من جاذبيتها

خدي بالك دايما من الحاجات اللي بيحبها واعمليها دايما والحاجات اللي بيضيه ابعدي عنها احفظي التواريخ المهمة بالنسبه له ودا بيحسسه اد ايه انتي مهتمه بيه

واهم حاجة واخر حاجة اوعي تحكي لخطيبك حاجة عن صحابك المخطوبين او المتجوزين دايما حيربط المشكلات اللي بتحصلكم بمشكلات حابك وحيوقلك انت بتعملي زيهم او هما مأثرين عليكي ودا بيعمل مشاكل كتتتتتتتتتير ونفس الوقت مش كل حاجة تحصل بينكم تحكيها لصحابك خلي الي بنكم يبقي منطقة محظورة