تقريبا نص بنات مصر المحترمات اللى لا عرفوا ولا لفوا ولا صاحبوا بيتقال عليهم شيوخ غفـــــر وعساكر أحياناً عادى عادى ...
تقريبا نص بنات مصر المحترمات اللى لا عرفوا ولا لفوا ولا صاحبوا
بيتقال عليهم شيوخ غفـــــر
وعساكر أحياناً
عادى عادى
لما بيجى سبع الرجال مينفعش يبقى فى شنبين فى قفص واحد
ولا ايه :D
يبقى يا لوزة لازمممممممممم نخلع الشنب وبدلة العسكرى وتسلميهم على الباب
أقصد لسبع الرجال :D
بمعنى ايـــــــــــه ؟؟
لا لازم تركزى شويه كده معايه عشان ربنا يكرمك وتبقى احلى زوجه فى الدينيا كلها
لازم تسلمى نفسك لزوجك
ترجعى خطوة لورا
وتسيبيه هو يسوق :D
هو اللى يمسك الدفة ويدور العربية ويمشى المركب
ليــــــــه ؟؟
عشان الراجل بيحب يحس انه غضنفر وان كلمته بتهد وتبنى
بيحس انه اخيرااااااااااا اتجوز وفى بنوتة كده خرجت من بيت اهلها وبقى مسئول عنها
عن اكلها وشربها وراحتها وسعادتها ودلعها وكل كل كبيرة وصغيرة فى حياتها
لازم الراجل يفضل واصله الأحساس دا
وأول حد لازم يحس الاحساس دا عشان يعرف يوصلهوله هو :
أنتـــــــــــــــــــى
مينفعش تبقى عاوزاه يعاملك زى القطة الناعمة .. زى البسكوتة
وهو شايفك زى الأسد ادامه
بتزعقى هنا وتشخطى هنا وجريئة هنا وقلبك ميت هنا
لا يا وزة
مينفعـــــــــــــــــــش
عاوازه يعاملك كده يبقى لازززززززم يشوفك ويحسك كده فعلا
مش بالكلام
مينفعش طول اليوم يشوفك زى زميله فى الشغل
وعاوزاه بالليل يعاملك زى حبيبته وعشيقته
برضو مينفعش
طيب نعمل ايه يا يعنى من الأخر ؟؟!!!
هو دا الكلام المفــــــــــــــيد
شوفى يا يا بطة :D
خليكـِ ناعمة خالث
خالث مالث
خالث مالث بالث :D
خليكـِ بثكوتاية
حتى لو بالعافيـــــــــة
حتى لو هتمثلـــــــــــى ومحتاجة تتدربى شويتين تلاتة
مفيش مشكلة
اتدربى
اللى بتحب خطيبها ونفسها تعيش اجمل ايام بجد
رومانسية ودلع وحب
لازم تتعب شوية عشان خاطره
لازم تتغير للأحسن عشان تتهنى وتهنيه معاها
ومحدش يقولى لو بيحبنى يحبنى زى ما أنا
أحسن أجى أنط فى كرشها
هيحبك سنة اتنين تلاتة
وبعد كده هيدور على اللى هتدلعوا
هيدور على الأنثى بجد
تعملى ايه بقــــــــــــــى ؟؟
نبرة صوتك تبقى هادية وناعمة ويبقى دا العادى بتاعك
يعنى لو بتتكلموا خليه يقرب منك عشان يقدر يسمعك
بلاش زعيق وخناق مع اخوكـِ الصغير
سواء من وراه او ادامه
دربى نفسك ان اعصابك تبقى هادية
تانى نقطة
حسسيه انك محتاجاله فى كل حاجة
وانك مش تقدرى تتصرفى من غيره
حتى لو دا عكس الحقيقة
وعلى فكرة الراجل عاوزك تبقى مسئولة وقوية فى غيابه
لكن فى وجوده حسسيه انك محتاسة
حسسيه انك محتاجة رأيه ومشورته
ولو فى اى مشكلة استخبى فيه
تالت نقطة
متبقيش ند ليه
لما تحسيه مخنوق مترفز
متقفيش فى وشه زى الديك الشكرسى
كلمة قصادها عشرة
ولو شتم ميضرش ترديها
لا
لا
لا
أوعـــــــــــــــــــى
اوعى تحسسى زوجك انك واحد صاحبه
لو مشافش فيكى ولو للحظة واحدة مراته الضعيفة الرقيقة
هيطيح فيكـِ ومش هيهمه مشاعرك ولا هيراعى اى حاجة
لأنه ساعتها شايفك نـــــــــد ليه
راسك براسه
رابع نقطة
ودى نقطة مهمة اووووووووووووى
مش تتعافى يا حلوة ادامه وتعمليلى فيها أندر تيكر
احنا عاوزين نقفش ع الراجل
مش نخوفه
هيلاقيكى بتشيلى خمسين كيلو ولا بتهبدى الشقة فى يوم الأجازة
هيقلق على فكرة
حسسيه كدهون وهو موجود انك مش واحدة مفترية مش بتحس
كان فى موضوع عن الدلع قريته هنا وكان فى مثل عجبنى اووووووى ومثل حلو جدا
لما تيجى تفتحى ازازة .. اعملى نفسك مش قادرة تفتيحها
وقوليله بدلع ورقة كده افتحها عشان مش عارفة خالص
حسسيه انه ملك البيت واسد الغابة حتى لو كنتى أطول منه
سمعتى صوت خناقة بلاش تجرى على البلكونة وتفطى زى فرقع لوز
خلى وشك يتخطف كده واتخضى
ولو مكتوب كتابك او متجوزة أستخبى فيه ميضرش برضه
نكمل نقطة الرقة والمياصة
والنقطة دى لازم يبقى مكتوب كتابك يا مزة او متجوزة
عشان حرام يا قمراية
واحنا من اول الموضوع لأخره بنحتسب الأجر من ربنا
وبنتوكل عليه عشان يكرمنا
المهم
انا هحاول اوصلكوا قصدى بمواقف
عشان الكلام النظرى دا مش بيأكل عيش
صوتك وانتى صاحية من النوم شكله ايــــــــــــــــــه
لازم يبقى ملائكى كده وسايح ونايح
ويا سلام بقى لو اول مكالمة لما تصحى تبقى ليه
سمعيه صوتك وهو فى الضياع كده يا قمر
بجد بيعمل تأثيـــــــــــــــر رهيب يا بنات والله العظيم
بيبقى عاوز ييجى جرى يغطيكى ههههههههههههههه
موقف تانى يا لوزة
عمل حاجة ضايقتك ادامك
بصيله كده بصة فيها عتاب وزعل بسسسسسسسسس بدلع شويتين تلاتة
حسسيه انك قطة بتبص له
بلاش شخط ونطر وقلة قيمة
ها
"انا مخامصاك" ممكن
"يا وحش" زى الفل
"انا زعلان" تمام التمام
تديله ضهرك كده او تخاصميه بصباعك زى العيال الصغيرة
نيجى بقى للتقيل
انتى دلوقتى زعلانة بجد
ومش وقت سهوكة ودلع
وهو غلط فى حقك
عاتبيه بالراحة
زعق اكتر وهاج وماج
يبقى ابعدى
خدى جنب
خليكى هادية وساكتة
حسسيه انه جرحك بس انتى مش هتجرحيه بالمثل
الراجل بيتعفرررررررررررت ويركبه الف جن لو حس ان كلامه وجرحه ليكى مش مجننك زى ما مجننه
زعلك بقى له طريقين :
يا اما تعملى من بنها وتكبريله لحد ما يحس بغلطه
يا اما لو الجرح كبير والغلطة جامدة اوى وموجوعة
يبقى بدموعك ودى مينفعش فيها تمثيل
مش عاوزين عياط ع الفاضية والمليانة الله يخليكوا
بلاش نكد
انا حذرت اهون
اوعى تردى الاساءة بالاساءة
اوعـــــــــــــــى يا بسكوتة
هو لما يهدى هيضرب نفسه بالـ عشان جرحك وغلط فى حقك
خلى ليكى مش عليكى
مش تخليه يمسك لك غلطة او حاجة تخليه يقول : ما انتى كمان قلتى وعدتى
فاهمين يا مزز
نيجى لنقطة مهمة اوووووووووووووووى
اسمها :
مش بعرف
الكلمة دى بتسحر للراجل يا والله
بيحس كده انك محتاسة يا اخوااااااااااتتتى
ومحتاجة لسى السيد ييجى عشان هو اللى بيعرف
كل شوية كده قوليله على حاجة مش بعرف بسهوكة ونحنحة كده
حتى لو عارفة
ومش قصدى الطبخ والغسيل
عشان انا عارفة انتوا ما هتصدقوا
مثلا مثلا :
تعرفى تروحى المكان الفلانى ؟؟
تؤ تؤ مش بعرف
تقدرى تشيلى الشنطة دى ؟؟
مش اقدر
وممكن كمان العكس
يعنى تستنجدى بيه فى مواقف
مش المصايب ها
يعنى مش متخانقة مع الحاجة ماما تقوليلى ألحقنى يا عم الأسد
لااااااااااااا يا لوزة مش كده
مثلا يعنى مثلا مثلا
تمسكى ازاة ميا وتحتاسى فيها
وتحاااااااااااولى وبعدين تديهاله وتقوليه "مش اعرف افتحها"
ماشيين سوا فى الشارع وهتعدوا
مش فى ثانية بخخخخخخخخخ
يلاقيكى عديتى الناحية التانية زى القرد
وتقوليلى " ما تعدى"
لا يا بطة
لا يا وزة
استهدى بالله كده وركزى الله يخلى عشان انا تعبت وربنا :D
تيجوا تعدوا الشارع اتلجلجى كده واشبطى فيه زى العيلة الصغيرة
خليه يحاجى عليكى كده ويحتويكى ويخاف عليكى
حتى لو تقدرى تعدى المنش
بتتكلموا فى السياسة ولا الكورة ولا اى حاجة تدى على رجالى شوية
بلاش تعمليلى فيها سبع البرمبة اللى بتفهم فى كل حاجة
فى السباكة والنجارة والسياسة والتحكيم ومجلس الوزراء
لو بتفهمى اكتر منه فى كــــــــــــــــل دا
بلاش تحرجيه
مش تحسسيه انه جاهل جنبك
حتى
لو
دى
الحقيقة
فاهمانى يا نصه ؟؟!!
اسمعيه بانتباه واهتمام
خلى عينيكى تنور باعجاب من كلامه
خليه تنور بحبك ليه حتى لو بيقول كلام تافه واهبل
:))
دى مواقف بسيطة يا بنات
بس والله والله والله بتفرق جدااااااااااااا
بتغير شكل العلاقة بينك وبين حبيبك وزوجك
الراجل لازم تعامليه زى البيبى الصغنن
بس
بس
بس
من غير ما تقوليله او تحسسيه بكده
الموضوع ده منقوووول يابنات ليكم
انا قريته وعجبني ربنا يكرم صاحبته وزوجها يارب
ليست هناك تعليقات:
إرسال تعليق